Nga Redaksia:
Prej më shumë se një dekade shqiptarët po përballen me një nga qeverisjet më të pashpirt dhe më antikombëtare që ka njohur vendi. Rilindja, e lidhur ngushtë me rrjetin e Sorosit, nuk ka hezituar të përdorë çdo mjet për të kontrolluar dhe shtypur qytetarët e këtij vendi. Nga premtimet boshe për investime e deri tek shkatërrimet e dhunshme të bizneseve pas zgjedhjeve, modeli është i qartë: gënje, grumbullo para dhe pastaj godit me gjithë forcën e shtetit.
Premtime për investime, shkatërrime pas zgjedhjeve
Para çdo palë zgjedhjesh, Rama dhe bashkia mbushin vendin me premtime për zhvillim e hapje biznesesh. Shqiptarët, të lodhur nga varfëria dhe mungesa e mundësive, investojnë kursimet e tyre për të ngritur një lokal, një restorant, apo një shtesë të thjeshtë. Por sapo mbarojnë zgjedhjet, skena ndryshon rrënjësisht: fillon shkatërrimi.
Kështu ndodhi në Theth, ku pas premtimeve për turizëm dhe investime, sapo kaluan zgjedhjet, u hodhën fadromat mbi bizneset e vogla të malësorëve. Dhe për të mbuluar revoltën që po ndizte në veri, Rama ia ktheu vëmendjen Tiranës duke shkatërruar shtesat e lokaleve me pretekstin se kishin zënë “trotuaret”.
Me të thatin u dogj edhe i njomi
E vërteta është se jo të gjitha bizneset kishin zënë hapësirat publike. Shumë prej tyre kishin ndërtuar me leje, kishin paguar taksat dhe tarifat që vetë bashkia u kishte kërkuar. Por Rilindja nuk pyet: nuk ka rëndësi ligji, rëndësi ka terrori. Me të thatin u dogj edhe i njomi. Shkatërrimi masiv shërben si paralajmërim: ose dorëzohesh, ose shet biznesin, ose largohesh.
Patronazhistët – spiunë në shërbim të frikës
Në këtë operacion arbitrar, rol kyç kanë patronazhistët. Ata raportojnë, filmojnë dhe spiunojnë çdo biznes që shënjestrohet nga qeveria. Në vend që të mbrojnë qytetarët dhe të garantojnë rregull, ata janë kthyer në ushtarë të bindur të një regjimi të korruptuar, që shpenzon gjakun dhe taksat e shqiptarëve për të mbajtur pushtetin.
Pyetja që lind: Me çfarë lekësh bëhen këto shkatërrime?
Shkatërrimi i ndërtimeve nuk është falas. Punëtorët, karburanti, gomat, makineritë, shërbimet – të gjitha paguhen. Por me çfarë lekësh? Me paratë e shqiptarëve. Jo me paratë e Ramës, jo me paratë e Sorosit, jo me paratë e patronazhistëve. E gjithë kjo makineri terrori mbahet me djersën dhe taksat e qytetarëve.
Qeveri anti-shqiptare
Kur një qeveri premton para zgjedhjeve dhe shkatërron pas zgjedhjeve, kur përdor paratë e popullit për të trembur popullin, kur i trajton shqiptarët si armiq e jo si qytetarë, atëherë kjo nuk është më qeveri shqiptare. Kjo është një qeveri anti-shqiptare, nën diktatin e Sorosit dhe interesave të huaja, që ka për qëllim shpopullimin dhe nënshtrimin e vendit.
Shqiptarët duhet ta kuptojnë se heshtja sot është pranim i dhunës së nesërme. Historia na ka treguar se asnjë pushtet që përdor terror kundër popullit të vet nuk ka mbijetuar gjatë. Por gjithçka varet nga zgjedhja jonë: të dorëzohemi, apo të qëndrojmë.
Ky material është pronë e Patriotikmedia.al dhe është i mbrojtur nga ligjet për të drejtën e autorit. Ndalohet riprodhimi, apo publikimi i plotë apo i pjesshëm i këtij materiali pa lejen e shkruar paraprakisht nga redaksia. Shkelësit do të përballen me pasojat ligjore sipas legjislacionit në fuqi.